पुणे : येथील सेवासदन संस्थेच्या दिलासा कार्यशाळेच्या वतीने दिवाळीसाठीच्या फराळ व कलात्मक वस्तूंच्या प्रदर्शनाचे आयोजन करण्यात आले आहे. शुक्रवार, १८ ऑक्टोबर व शनिवार, १९ ऑक्टोबर रोजी सकाळी १०.३० ते रात्री ८.३० पर्यंत हे प्रदर्शन पटवर्धन बाग येथील दिलासा कार्यशाळा येथे भरणार असून, ते सर्वांसाठी विनामूल्य खुले आहे.
प्रदर्शनातील फराळ व कलात्मक वस्तू या सेवासदन संस्थेतील प्रौढ मतिमंद विद्यार्थ्यांनी बनविल्या असून त्याची विक्रीदेखील या प्रदर्शनात करण्यात येणार आहे. प्रौढ मतिमंद व्यक्तींच्या विकासासाठी सेवासदन ही संस्था कार्यरत असून, मतिमंद व्यक्तींचे पुनर्वसन करून त्यांना व्यावसायिक प्रशिक्षणाद्वारे स्वावलंबी करणे, विविध क्षेत्रातील तज्ज्ञांचे मार्गदर्शन मिळवून देणे, समाजात जागरूकरता निर्माण करून त्यांना सन्मान मिळवून देणे यासाठी संस्था प्रयत्न करते.
प्रदर्शनाविषयी :
दिवस : शुक्रवार, दि.१८ व शनिवार, दि.१९ ऑक्टोबर
वेळ : सकाळी १०.३० ते रात्री ८.३०
स्थळ : सेवासदन इंग्रजी माध्यम शाळा, पटवर्धन बाग, एरंडवणे.